| پیٹ کی بھوک کو مِٹانے میں |
| عقل رہتی نہیں ٹھکانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اِک شکاری کی آنکھ بھر آئی |
| دیکھ کر فاختہ نشانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عمر لگ جاتی ہے مرے یارو |
| اِن مکانوں کو گھر بنانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| روشنی کا ہمیشہ ساتھ دیا |
| روشنی کو فقط بڑھانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آپ اک بار روٹھ جائیں تو |
| دیر لگتی ہے پھر منانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| حادثے ہوتے ہیں شدید بہت |
| وقت لگتا ہے بھُول جانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| درد آنکھوں میں آ گیا سارا |
| میں تو مصروف تھا چُھپانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| یہ ہوائیں بھی رقص کرتی ہیں |
| ایک جادو ہے اس کے گانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اک زمانہ لگا ہے اب کی بار |
| تیری چوکھٹ پہ ہم کو آنے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کیا بگاڑا تھا ہم فقیروں نے |
| کیا ملا تم کو دل دُکھانے میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عمر کٹ جائے یہ مری مانی |
| رب کے آگے یہ سر جھکانے میں |
معلومات