| غزل |
| جس کے قبضے میں ہیں دل ، ایسا وہ ساحر بھی ہے |
| سانپ کو رسّی بنانے کا وہ ماہر بھی ہے |
| ہنستے ہنستے وہ رُلا کر ہے دلوں کو دھوتا |
| وہ جو اطہر بھی مطہّر بھی ہے طاہر بھی ہے |
| وہ مسیحا بھی ہے استاد بھی ہے عالم بھی |
| وہ جو منصور بھی ہے دین کا ناصر بھی ہے |
| وہ جو تقریر فسوں خیز کرے دل جیتے |
| نثر میں ہی نہیں تحریر ، وہ شاعر بھی ہے |
| اس کے جذباتِ محبّت سے پگھلتے دل ہیں |
| ایک دنیا ہے ، سمجھنے سے جو قاصر بھی ہے |
| خیرہ ہوتی ہیں نگاہیں جو نظر اس پہ پڑے |
| حسن اس کا نہیں اندر ہی وہ باہر بھی ہے |
| رعب سے دی گئی نصرت اسے ہر گام پہ ہے |
| ہر قدم فتح ملی اس کو جو ظاہر بھی ہے |
| معجزے آنکھوں سے دیکھے جو دکھائے اس نے |
| تھا دعاؤں میں اثر پہلے بھی ، آخر بھی ہے |
| طارق آتا ہے جو ٹی وی پہ تو ایسا ہی لگے |
| حق کا پیغام سدا دینے کو حاضر بھی ہے |
معلومات