| لے کے جاتا ہے زمانہ کس طرف ، گردش لئے |
| روٹھ کر ہم سے چلا جائے نہ وہ رنجش لئے |
| وہ اترتا ہے زمیں پر نیم شب یہ دیکھنے |
| کون سجدے میں پڑا ہے دید کی خواہش لئے |
| اس کی رحمت پوچھتے ہو کیا، بس اتنا جان لو |
| ہر گھڑی بادَل رکھے سر پر جو ہیں بارش لئے |
| دیکھ کر چہرے پہ اطمینان میرے، خوش نہیں |
| جل گئے حاسد مرے ، سینے میں یوں آتش لئے |
| راز داں جس کو بنایا تھا وہی دشمن ہوا |
| وہ کچہری میں بھی جا پہنچا کوئی نالش لئے |
| کوئی ملّا ہو یا منصف سوچ اس کی ایک ہے |
| مال کب آتا ہے دیکھے ہاتھ میں خارش لئے |
| ڈھونڈنے جائیں گے مجنوں کو کبھی سوچا تھا پر |
| پھر خیال آیا نہ سمجھے ، آ گئے دانش لئے |
| طارق اب ایسا زمانہ آگیا ہے دہر میں |
| لوگ پھرتے ہیں یہاں گردن کی پیمائش لئے |
معلومات