| تُو ہے میری جان زمانہ کیا جانے |
| تُجھ پہ مَیں قربان زمانہ کیا جانے |
| سب کہتے ہیں میری آنکھیں ہنستی ہیں |
| لیکن دِل ویران زمانہ کیا جانے |
| تُجھ کو بُھول مَیں جاؤں دُنیا کہتی ہے |
| کب ہے یہ آسان زمانہ کیا جانے |
| جس کو کہتے ہیں وہ مُورت پتّھر کی |
| وہ ہے اک بھگوان زمانہ کیا جانے |
| پل دو پل جی کر اِس فانی دنیا میں |
| مرتا ہے اِنسان زمانہ کیا جانے |
| جِس کے آنے پر ساون میں پُھول کِھلے |
| دو پل کا مہمان زمانہ کیا جانے |
| جانے کیوں جلدی ہے مُجھ کو جانے کی |
| باندھا ہے سامان زمانہ کیا جانے |
| جِس کو چاہا اُس کو مانی پا لوں گا |
| پُختہ ہے ایمان زمانہ کیا جانے |
معلومات