| اسلاف کی قربانی پہ نازاں ہے ابھی تک |
| اس راہ عمل کے لئے کوشاں ہے ابھی تک |
| تذلیل سے تردید سے لرزاں ہے ابھی تک |
| "بے لطف مگر گر دش دوراں ہے ابھی تک" |
| تہذیب و شرافت میں، رواداری میں ڈھل مل |
| کردار سے انسان بھی حیواں ہے ابھی تک |
| ہرجائی نہیں بلکہ فدائی ہی سمجھیے |
| بے لوث وفا سینہ میں رقصاں ہے ابھی تک |
| تعلیم سے بیدار ہوئی قوم ہے اپنی |
| ملت کا جواں گوہر تاباں ہے ابھی تک |
| قرآن بھی ہے زندہ، یہ اسلام ہے زندہ |
| امید ثمر اس جی میں رخشاں ہے ابھی تک |
| برحق ہے خدا بھی، نبی کی باتیں بھی ناصؔر |
| ہر سو ہو فضا حق کی یہ فرماں ہے ابھی تک |
معلومات