| ماہِ رمضان مبارک |
| اک بار پھر سے ماہِ رمضان آ رہا ہے |
| تازہ دلوں میں کرنے ایمان آ رہا ہے |
| پھر زندگی میں رب کا مہمان آ رہا ہے |
| ماہِ شبِ نزولِ قرآن آ رہا ہے |
| کم کرنے پھر ہمارے عصیان آ رہا ہے |
| قابو اسی مہینے شیطان آ رہا ہے |
| رحمت ہے پہلا عشرہ جنت کا در کھلا ہے |
| تجھ کو لے جانے باغِ ریحان آ رہا ہے |
| توبہ کرو کہ دوجا عشرہ ہے مغفرت کا |
| بخشش تری کا کرنے سامان آ رہا ہے |
| آخیر میں ملے گی دوزخ سے بھی رہائی |
| تیرے دکھوں کا کرنے درمان آ رہا ہے |
| زندہ ہےکیسےمسلم بن کھائے پیئے دن بھر |
| دنیا کو پھر سے کرنے خیران آ رہا ہے |
| تنگی نہیں ہے کوئی راہِ خدا میں لوگو |
| مت سوچو گرمیوں کے دوران آ رہا ہے |
| بیمار اور مسافر رکھتے ہیں روزے بعد از |
| دشوار راہیں کرنے آسان آ رہا ہے |
| مقصد حصولِ تقوی ہے روزہ ہےوسیلہ |
| ہم کو دلانے قربِ رحمان آ رہا ہے |
| ہم کو کرانے رب کی پہچان آ رہا ہے |
| ہم پہ یہ پھر سےکرنے احسان آ رہا ہے |
| اک بار پھر سے ماہِ رمضان آ رہا ہے |
| تازہ دلوں میں کرنے ایمان آ رہا ہے |
معلومات