| زہے نورِ رب سے ہوئی ابتدا |
| نہیں جس کے اوصاف کی انتہا |
| یہ سینے کی رونق ہے دل کی ضیا |
| جمالِ نبی کا ہے یہ ماجرا |
| سدا جن کی مدحت ہے کرتا خدا |
| خدائی بھی قرباں انہیں پر سدا |
| جبینِ خلق در درِ مصطفیٰ |
| عقیدت کی ہے یہ سہانی جگہ |
| نبی نورِ ربی ہیں صلے علیٰ |
| درود ان پہ دائم صبا و مسا |
| سدا گھیرا رحمت کا کونین کو |
| نبی کے کرم کی ہیں شانیں جدا |
| وہ فیاضِ عالم بڑی شان ہے |
| جہانوں میں ڈنکا ہے جن کا بجا |
| سدا شاد رکھتے ہیں میرے نبی |
| نبی کو خزانہ خدا سے ملا |
| جو فیاضِ ہستی ہیں کنزِ سخا |
| ہے محمود تو بھی انہی کا گدا |
معلومات