| کُھلے اُس گھر کے رستے تو رہے ہیں |
| مصیبت میں بھی ہنستے تو رہے ہیں |
| بہاروں کا کریں ہم ذکر کیا کیا |
| خزاؤں میں پنپتے تو رہے ہیں |
| ستارہ آسماں پر کوئی ٹوٹا |
| یہاں بادل گرجتے تو رہے ہیں |
| چھلک کر اشک پلکوں سے گرا جو |
| اُسی موتی کو تکتے تو رہے ہیں |
| فلک پر چھائے ہیں جو ابر غم کے |
| زمیں پر وہ برستے تو رہے ہیں |
| ہوئے ہیں بے قرار اب دوست ان کے |
| وہ ملنے کو ترستے تو رہے ہیں |
| کریں تعریف کیا اُس کے سُخن کی |
| سب اس کے شعر پڑھتے تو رہے ہیں |
| فرشتے لے گئے قدسی کو آخر |
| ہمیں تیّار کرتے تو رہے ہیں |
معلومات