| یہ رنج پوچھ تُو جاں سے گزرنے والے سے |
| اُداسی روٹھ گئی ہے سنورنے والے سے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہمارا رزق اُسی نے تلاش کرنا ہے |
| امیدیں سب کی ہیں گھر سے نکلنے والے سے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کسی نے جانا نہیں خاک کی حقیقت کو |
| کسی نے پوچھا نہیں کچھ بکھرنے والے سے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عجیب طرح کا عالم ہے ان فضاؤں میں |
| ہیں روٹھے سب ہی مناظر اجڑنے والے سے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہوا نے ریت پہ لکھا تھا اس قصیدے کو |
| بڑا قریب تھا دریا تڑپنے والے سے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میں کیسے اشک چھپاؤں بتاؤ آنکھوں میں |
| میں کیسے ہاتھ ملاؤں بچھڑنے والے سے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| فقط وہ شخص ہی تنہا نہیں زمانے میں |
| گریزاں سب ہی ہیں مانی جھگڑنے والے سے |
معلومات