| دلوں میں جس نے محبّت بے انتہا ڈالی |
| اسی خدا نے خلافت کی بھی بِنا ڈالی |
| پھر ایک شخص محبّت تھی جس کو قرآں سے |
| پڑھایا ، ترجمہ ، تفسیر بھی پڑھا ڈالی |
| جوان ایک اٹھا پھر یہ عہد پورا کیا |
| کہ شمع توحید کی ، چہار سُو جلا ڈالی |
| کسی نے نعرہ دیا سب سے پھر محبّت کا |
| مٹا کے نفرتیں ، خُو ، پیار کی سکھا ڈالی |
| پھر ایک مردِ خدا تھا ، مجسّمِ اُلفت |
| وہ آیا جب نئی تاریخ ہی بنا ڈالی |
| اور اس کے بعد ہے اک شخص پُر وقار آیا |
| دلوں پہ کر کے حکومت ، ہمیں دِکھا ڈالی |
| سنی خبر جو علالت کی ، لوگ روئے ہیں |
| دلوں میں کس نے محبّت کی یہ ادا ڈالی |
| ہیں بے قرار دل اس کی نہ ہو گی جلوہ گری |
| ہے کون جس نے یہ ایماں کی اشتہا ڈالی |
| ترے سوا ہے بھلا کون جو یہ کر پائے |
| دلوں میں تُو نے محبّت یہ اے خدا ڈالی |
| خدا کرے یہ عمارت رہے یونہی قائم |
| ہے مومنوں کی اطاعت پہ جو بِنا ڈالی |
| سوائے اس کے نہیں ، کوئی رہنما طارقؔ |
| کہ جس نے جنگ کے شعلوں پہ ہے ردا ڈالی |
معلومات