| اسی دھرتی کا باسی ہوں |
| مگر شاید میں باسی ہوں |
| میں گرچہ عام شہری ہوں |
| انہیں دِکھتا میں عاصی ہوں |
| نظر میں ہر ادارے کے |
| میں بگٹی ہوں میں کاسی ہوں |
| حکومت آئے یا جائے |
| یوں ناچوں جوں مراسی ہوں |
| وطن کا حال مت پوچھو |
| جو سوچوں تو اداسی ہوں |
| عدالت آج کہتی ہے |
| میں تو دولت کی داسی ہوں |
| ہے یہ کہنا نظامت کا |
| میں بھی سو سالہ باسی ہوں |
| ریاست ماں تھی لیکن اب |
| کہے وردی میں ماسی ہوں |
| لٹیروں سے جو پوچھا تو |
| ہر اِک بولا سیاسی ہوں |
معلومات