| درد بڑھ کر عیاں نہ ہو جائے |
| فیصلہ پھر یہاں نہ ہو جائے |
| وہ جو کہنے لگا ہے اپنا مجھے |
| مجھ سے پھر بدگماں نہ ہو جائے |
| سی لیے لب مگر نگاہوں سے |
| جو چھپایا بیاں نہ ہو جائے |
| عمر بھر ساتھ کون دیتا ہے |
| ہم سے کوئی زیاں نہ ہو جائے |
| راہ الفت پہ تو سنبھل کے چل |
| نقش دل پر نشاں نہ ہو جائے |
| صاحبہ تھام لیجئے آنچل |
| حسن پھر سے نہاں نہ ہو جائے |
| شور سن کر جفا کا٫ بادہ کش |
| اب مکیں لا مکاں نہ ہو جائے |
| میں نے دل کو سنبھالا ہے پھر سے |
| آرزو اب دھواں نہ ہو جائے |
| اس کو ایسے نہ دیکھو تم ساغر |
| عشق پھر سے جواں نہ ہو جائے |
معلومات