| سینے میں جلے تھے خواب کئی |
| ماتم کی صدا تھی، رات بھری |
| وہ جسم پڑے تھے مقتل میں |
| اور جشن ہوا |
| چل ہاتھ ملا |
| توپوں کی صدا میں مر گئے گل |
| خوابوں کے جلے ہیں کاجل کل |
| اک راکھ بسی ہے آنکھوں میں |
| اک درد کھلا |
| چل ہاتھ ملا |
| بندوقیں گرا کر ہاتھ بڑھا |
| زخموں پہ محبت لفظ چُرا |
| اک وصل کا نغمہ لکھ دیں ہم |
| اک عہد نیا |
| چل ہاتھ ملا |
| اب خاک اُڑے گی قبروں سے |
| اک شور اٹھے گا سینوں سے |
| تاریخ رقم یہ کر دے گی |
| کیا فائدہ ہوا؟ |
| چل ہاتھ ملا |
معلومات