| کرے سینہ ٹھنڈا یہ ہی دوستو |
| محبت حبیبِ خدا سے کرو |
| کرو یادِ دلبر صبا و مسا |
| درودوں سے محفل مزین رکھو |
| رہیں سر پہ رحمت کے باراں سدا |
| سلاموں سے مجلس سجاتے رہو |
| مدینہ حسیں تر ہے کونین میں |
| مدینہ ہے منزل مدینے چلو |
| عطائے نبی سے فروزاں ہوں دل |
| حسیں نامِ جاناں تسلسل سے لو |
| ملی زندگی ہے نبی کے لئے |
| نبی کے لئے ہی فدا جاں کرو |
| ثنائے نبی میں چھپی خیر ہے |
| نبی کی غلامی پہ نازاں رہو |
| اے محمود فیضِ نبی عام ہے |
| درِ مصطفیٰ کے بھکاری بنو |
معلومات