حاکم کی عداوت ہمیں منظور نہیں ہے |
نفرت کی سیاست ہمیں منظور نہیں ہے |
خود چور محافظ کے لبادے میں کھڑا ہے |
اب جعلی شرافت ہمیں منظور نہیں ہے |
مظلوم کو انصاف کے بدلے میں سزا دے |
اندھی یہ عدالت ہمیں منظور نہیں ہے |
لٹتی ہے جہاں روز کسی بیٹی کی عصمت |
بے شرم حکومت ہمیں منظور نہیں ہے |
ہر سمت لگی آگ مِرا ملک ہے زخمی |
بھارت کی یہ حالت ہمیں منظور نہیں ہے |
قانون جو کر دیتا ہے انسان کو بے گھر |
وہ حکمِ خباثت ہمیں منظور نہیں ہے |
خاموش بہت قوم کے رہبر ہیں تصدق |
اب انکی قیادت ہمیں منظور نہیں ہے |
معلومات