| زخم و مرہم میں شناسائی کہاں سے آئی |
| مرنے والے کو مسیحائی کہاں سے آئی |
| عاشقوں کو کہاں عزّت سے بٹھایا جائے |
| ان کی قسمت میں پذیرائی کہاں سے آئی |
| وقتِ رُخصت ہے تو یوں لوگ ہیں رنجیدہ کیوں |
| پھر کسی ہاتھ میں شہنائی کہاں سے آئی |
| تیری محفل بڑی آباد ہوا کرتی تھی |
| راس پھر تجھ کو یہ تنہائی کہاں سے آئی |
| لوگ سر دھُنتے ہیں تقریر پہ تیری کیونکر |
| یہ بتا تجھ کو یہ گویائی کہاں سے آئی |
| تجھ سے اٹھا بھی نہ جاتا تھا کہ جب وہ آئے |
| لوگ کہتے ہیں توانائی کہاں سے آئی |
| مجھ سے یہ اہلِ سُخَن پوچھتے ہیں جانے کیوں |
| تجھ کو یہ قافیہ پیمائی کہاں سے آئی |
| آسماں کی ہے کوئی خاص عنایت طارق |
| ورنہ قسمت میں یہ رُسوائی کہاں سے آئی |
معلومات