| میں اک کاغذ یوں لے کر ہاتھ میں اس کو گھماتا ہوں |
| پھر اس میں ڈال کر کے دکھ دلوں کے خوب ملتا ہوں |
| گئے ماضی کے اچھے وقت بھی اس میں بساتا ہوں |
| جگہ اس میں بنا کرکے ذرا یادیں ملاتا ہوں |
| گھما کر ہاتھ میں اس کو یوں اک سگریٹ بناتا ہوں |
| لگاتا ہوں میں ہونٹوں سے محبت سے جلاتا ہوں |
| خیالوں میں تجھے لاکر میں تیرے کش لگاتا ہوں |
| دھواں جب میرے ہونٹوں سے نکل کر رقص کرتا ہے |
| مرے کمرے میں چاروں اور تیرا عکس بنتا ہے |
| مسلسل کش لگاتا ہوں اور اس سے بات کرتا ہوں |
| وہ لمحہ بات کرنے کا بڑا انمول ہوتا ہے |
| تری یادیں تری باتیں عجب ماحول ہوتا ہے |
معلومات