| دھڑکنیں اب دلِ بسمل سے سبھی پاک ہوئیں |
| مرے زخموں کی ردائیں مرا پوشاک ہوئیں |
| میں ہی کیوں یاد کروں دوستو ہر بار تمہیں |
| کیا تمہاری سبھی یادیں تہِ خاشاک ہوئیں |
| میں نے رو کر تری یادوں میں لہو ہار لیا |
| حادثہ ہے کہ تری آنکھ بھی نم ناک ہوئیں |
| عمر کی پونجی ترے نام کے صدقے کردی |
| حسرتیں اب مرے خوابوں کی یہ املاک ہوئیں |
| کون الطاف ہواؤں میں مسرت بھر دے |
| گل سے اُٹھتی ہوئی لہریں سبھی غم ناک ہوئیں |
معلومات