| ہمارا خواب سے رِشتہ بہت پرانا ہے |
| ہمارے در پہ اُمَنگوں کا آستانہ ہے |
| نظر سے دُور کہِیں برق گِرتی جاتی ہے |
| نہیں خبَر کہ قفَس ہے یا آشیانہ ہے |
| اُفق کے پار سے آیا ہے کوئی سندیسہ |
| فقَط یہ یاد دِہانی ، کہ لوٹ آنا ہے |
| ہمارے ہِجر میں آنسو بہا رہا ہے کوئی |
| خبَر کرو کہ ہمارا یہی ٹھکانہ ہے |
| مِری نوا کو نشَر کر رہی ہے بادِ صبا |
| یہ مہربان بہاروں کا شاخسانہ ہے |
| وہاں وہاں تِری خوشبو بِکھر گئی ہو گی |
| جہاں جہاں مِرا بِکھرا ہوا فسانہ ہے |
| مَیں لوٹ آیا تو پہچان لیجیے گا مُجھے |
| کہ مُسکرانے کا انداز تو پرانا ہے |
| سفَر نصیب ہوں حمّاد ، والسّلام ، دُعا |
| ہمارے ساتھ سفَر میں گیا زمانہ ہے |
| ۔۔۔ |
| حماد یونس |
معلومات