| صاف نیلا آسماں اور ایک گدھ |
| جیسے بحرِ بے کراں اور ایک گدھ |
| کب سے دونوں خامشی سے ہم کلام |
| اک درختِ ناتواں اور ایک گدھ |
| دشتِ وحشت تیسرا ہوں ایک میں |
| بے کفن اک کارواں اور ایک گدھ |
| خاک پر سوکھے لہو کی اک لکیر |
| اک شکستہ اُستُخواں اور ایک گدھ |
| داستاں کے مرکزی کردار تھے |
| اک کبوتر، آشیاں اور ایک گدھ |
| جانے کس پاداش میں غائب ہوئے |
| میں، مرا اک ہم زباں اور ایک گدھ |
| گھپ اندھیرا، خوف، وحشت، خامشی |
| اک زمیں بے آسماں اور ایک گدھ |
| (ڈاکٹر دبیر عباس سید) |
معلومات