| نکلتے اشک ہیں بے اختیار آنکھوں میں |
| جھلکتا ہے نبیؐ کا جب دیار آنکھوں میں |
| ہو دلفریب نظارہ مدینہ کی مانند |
| سمائے پھر حسیں رنگ و بہار آنکھوں میں |
| ہے غار ثور کہیں تو جبل احد ہے کہیں |
| بسی ہے بیش بہا یادگار آنکھوں میں |
| جمیل گنبد خضریؐ، شکیل باغ بہشت |
| سرور قلب میں چھائے، خمار آنکھوں میں |
| بو بکرؓ یا ہو عمرؓ، ذی نورینؓ یا ہو علیؓ |
| ہیں دل میں سب کی عقیدت، وقار آنکھوں میں |
| ملے نصیب میں ناصؔر شرف زیارت گر |
| شگفتہ ہو جبیں، ہو افتخار آنکھوں میں |
معلومات