محبت میں سلیقے سے یہی فرمان لکھ دینا |
ہمارے نام کے بدلے فقط تم، جان ،لکھ دینا |
سپردِ خاک جب کرنا مِری اتنی وصیت ہے |
ذرا پیشانی پر انگلی سے ہندوستان لکھ دینا |
تمہارے ملک میں تم سے اگر کوئی سند مانگے |
دِکھا کے لال قلعہ اپنی تم پہچان لکھ دینا |
لگا کے آگ نفرت کی جو خود کو حکمراں سمجھے |
جلی لفظوں میں ایسے فرد کو شیطان لکھ دینا |
مِرے محبوب کے محبوب کی تعداد جب لکھنا |
سرے فہرست میرا نام اے یاران لکھ دینا |
عدالت میں تِری آیا چلو اب فیصلہ کردو! |
مجھے اپنا بتا دینا یا پھر انجان لکھ دینا |
اگر محبوب کے بارے میں تم سے پوچھ لے کوئی |
نگاہوں کو جھکا کے بس، تصدق خان، لکھ دینا |
معلومات