| وہ ساتھ ہوتے ہوئے بھی کبھی مرا نہ ہوا |
| وہ جب گیا تو کبھی دل سے وہ جدا نہ ہوا |
| جو زخم اس نے دیا خشک ہو گیا کب سے |
| کریدتا رہا برسوں مگر ہرا نہ ہوا |
| بس اس کی ہاں میں ملاتا رہا میں ہاں برسوں |
| مجھے یہ دکھ ہے کہ خود کا میں ہم نوا نہ ہوا |
| اسے وفا سے کوئی دشمنی تھی برسوں سے |
| میں اور کچھ بھی ہوا پرمیں بے وفا نہ ہوا |
| میں خود کو توڑ کر اب کچھ نیا بناؤں گا |
| کروں گا کیا اگر اس بار بھی نیا نہ ہوا |
| مری دعا میں اثر کیوں نہیں رہا شاہدؔ |
| وہ گر سنے گا نہیں تو میرا خدا نہ ہوا |
معلومات