| ابھی سفر کے ارادوں کا نام باقی ہے |
| ابھی تو دشتِ طلب میں قیام باقی ہے |
| ہوائے تند نے شاخوں کو توڑ ڈالا ہے |
| مگر شجر میں نمو کا نظام باقی ہے |
| بجھا سکی نہ جسے تند آندھیوں کی لپک |
| وہ ایک شمع سرِ بزمِ عام باقی ہے |
| گزر گئے ہیں کئی موسمِ خزاں دل پر |
| نئی بہار کا لیکن سلام باقی ہے |
| شکستہ پا سہی، لیکن ابھی نہیں تھکنا |
| ابھی تو منزلِ مقصودِ گام باقی ہے |
| ابھی نہ ہار اے دل! حادثاتِ دوراں سے |
| کہ تیرے ہاتھ میں اب بھی زمام باقی ہے |
| لہو نچوڑ کے کاغذ پہ رکھ دیا لیکن |
| ابھی حکایتِ شوقِ تمام باقی ہے |
| یہ اور بات کہ منزل نظر نہیں آتی |
| مگر جنونِ سفر گام گام باقی ہے |
| ہزار زخم سہے ہیں حیات کی رہ میں |
| مگر یہ حوصلۂ ناتمام باقی ہے |
| سجا کے رکھے ہیں جو خواب دل میں اے عادلؔ |
| انھیں بھی ملنے کو روشن مقام باقی ہے |
معلومات