| خواب آنکھوں میں بسا ہو جیسے |
| دشت میں پھول کھلا ہو جیسے |
| وہ پریشاں ہو تو یوں لگتا ہے |
| چاند کچھ بھول گیا ہو جیسے |
| اللہ حافظ بھی کہا ہے اس نے |
| اک کیا فرض ادا ہو جیسے |
| دل بھی سینے سے نکل کر بھاگا |
| قید سے کوئی رہا ہو جیسے |
| اب بھی سانسوں سے مہک آتی ہے |
| کوئی دل میں رہ گیا ہو جیسے |
| روٹھ جائے تو مجھے لگتا ہے |
| زندگی مجھ سے خفا ہو جیسے |
| میری جلتی ہوئی پیشانی پر |
| مخملی ہاتھ رکھا ہو جیسے |
| خامشی چیخ اٹھی ہے گھر کی |
| سایہ گھبرا سا گیا ہو جیسے |
معلومات