| اے حبیبِ خدا تیری کیا بات ہے |
| تو ہے رب کی عطا تیری کیا بات ہے |
| تو ہی قبلہ مرا تو ہی کعبہ مرا |
| دل تجھی پر فدا تیری کیا بات ہے |
| زندگی ہو بسر تیرے ہی عشق میں |
| آۓ یوں ہی قضا تیری کیا بات ہے |
| آپ جب مسکراۓ تو پھر ہوگئ |
| اک قیامت بپا تیری کیا بات ہے |
| ہادیٔ انس و جاں شاہِ کون و مکاں |
| ہو تمہی رہنما تیری کیا بات ہے |
| تیری ہی ذات ہے منبعِ علم و فن |
| تو ہی رمزِ خدا تیری کیا بات ہے |
| کاش آۓ نظر خواب میں ہی کبھی |
| نوری مکھڑا ترا تیری کیا بات ہے |
| سینچا تھا کس طرح دین کا یہ چمن |
| تیرا خوں بھی بہا تیری کیا بات ہے |
| وہ حسین و حسن نورِ عینِ علی |
| فاطمہ کے ابا تیری کیا بات ہے |
| تیری نسبت نے مجھ کو نوازا بہت |
| میں ہوں طالب ترا تیری کیا بات ہے |
معلومات