| چلے ہم نوا رہ گئے ہم اکیلے |
| دل اکتا گیا رہ گئے ہم اکیلے |
| جدائی کے لمحے یہ کیسے کٹینگے |
| گئے دل ربا رہ گئے ہم اکیلے |
| کجا وہ محبت کہاں اب ملے گی |
| گئے باوفا رہ گئے ہم اکیلے |
| وہ الفت کی باتیں وہ پل پل مسرت |
| ہوئیں سب فنا رہ گئے ہم اکیلے |
| بہائیں گی تاعمر آنکھیں لہو اب |
| یہ تحفہ ملا رہ گئے ہم اکیلے |
| ہوئیں اپنی سنسان الفت کی راہیں |
| ہوئے ہیں جدا رہ گئے ہم اکیلے |
| کرم اس پہ ارشدؔ خدا کی عطا ہے |
| ہے رب کی رضا رہ گئے ہم اکیلے |
| مرزاخان ارشدؔ شمس آبادی |
معلومات