| دل میں ہے کون صاحب کا گھر دیکھنا |
| کون اس گھر میں ہے جلوہ گر دیکھنا |
| کیوں عیاں کیوں نہاں ہے یہ دل کا مکیں |
| ہے یہ کس کا خودی سے گزر دیکھنا |
| ہے خودی میں جو موجود دل کا نگیر |
| دل کا بے چین کیوں ہے نگر دیکھنا |
| جب خودی كے قفس سے گذرنے لگو |
| "زخمِ دل اور داغِ جگر دیكھنا" |
| جلتی شمع کی لَو جس طرف رخ کرے |
| چشمِ دل سے خودی میں اُدھر دیکھنا |
| ہے تقاضا خودی کا مرے دل نشیں |
| اک نظر اک نظر اک نظر دیکھنا |
| دل کا خا لق و مالک ہے خود دل نشیں |
| عمر بھر عمر بھر عمر بھر دیکھنا |
| کچھ نہ ظاہر نہ باطن میں باقی رہے |
| دیکھنا ہے تو کچھ اس قدر دیکھنا |
| ہے جو روپوش ہوگا عیاں اے ذکیؔ |
| خود میں رہنا خودی کا ہنر دیکھنا |
معلومات