| محفل ہے مصطفی کی سرشار آ رہے ہیں |
| جو یادِ دلربا میں آنسو بہا رہے ہیں |
| گردن جھکائی سب نے دل کو بھی ہے جھکایا |
| ادراک میں یہ اپنے بطحا کو جا رہے ہیں |
| سننا ثنا نبی کی گھیرا ہے رحمتوں کا |
| مجلس میں آئے ہیں جو قسمت بنا رہے ہیں |
| خدمت میں سارے حاضر عجز و نیاز سے ہیں |
| جو ذکرِ مصطفیٰ سے سانسیں سجا رہے ہیں |
| خالی ہیں زہن ان کے اوہامِ ہر دہر سے |
| یادِ نبی سے رونق من میں لگا رہے ہیں |
| آئی رِدا ہے ان پر حاتف سے نورِ حق کی |
| یہ بحرِ کرم میں سب غوطے لگا رہے ہیں |
| محمود روح ان کی جگمگ ہے روشنی سے |
| رحمت کے باراں ان پر بطحا سے آ رہے ہیں |
معلومات