زندگی کے لطف کا ادراک کرنے کے لیے
عشق کرنا چاہیے دل پاک کرنے کے لیے
سچ میں پیدا ہو اگر احساس تو کافی ہے یہ
پردۂ غفلت کو دل سے چاک کر نے کے لیے
کرکے ہمت بڑھ خدا کے فضل سے چمکے گا تو
جتنی کوشش کرلے دنیا خاک کرنے کے لیے
ساتھ ہمت اور دعاؤں کا لیے میں قافلہ
بکھرے ذروں کو چلا افلاک کرنے کے لیے
غیر کے اسلوب اپناتا ہے غافل تو فقط
اس جہاں میں اونچی اپنی ناک کرنے کے لیے
آگیا لیکر نیا اخبار پھر خبریں وہی
خوشنما ماحول کو غمناک کرنے کے لیے
کوئی بھی طیب نہیں آیا مری امداد کو
ایک چادر مانگی تھی پوشاک کرنے کے لیے

0
141