| کسی دشمن کی ہم کو یوں طرف داری نہیں آتی |
| وفائیں خوب کرتے ہیں، اداکاری نہیں آتی |
| وجہ کیا ہے جو نفرت کی ہمیشہ بات کرتے ہیں |
| محبت کی بھلا کیوں دل میں چنگاری نہیں آتی |
| یہ ناداں قوم ہیں اپنی کہ جب طوفان آتا ہے |
| وہ بس شکوہ ہی کرتے ہیں کہ تیاری نہیں آتی |
| سوئے ہیں خوابِ غفلت میں نہیں ملت سے کچھ مطلب |
| جگانے پر بھلا کیوں ان کو بیداری نہیں آتی |
| جب ایماں کی حلاوت سے معطر ہی نہ ہو سینہ |
| سبب یہ ہے جو رحمت کی فراوانی نہیں آتی |
معلومات