| صدائے کن سے ہستی میں وجودِ دہر ہے پیدا |
| ملی رونق اسے جس سے جہانوں میں ہوا یکتا |
| بنایا اُن کو مولا نے وہ قادر ہے کرے جو بھی |
| نہیں کوئی نبی جیسا کبھی ہو گا نہ اُن جیسا |
| کیا یہ احساں مولا نے ملے آقا ہمیں دلبر |
| خدا کی چاہتوں نے پھر چنا اُن کو حسیں تنہا |
| دیا اُن کو خدا نے جو یہ کوثر بھی اسی میں ہے |
| وہ کرتا ہے جو چاہے وہ کہاں ہے وہ کبھی ڈرتا |
| خدا کی نعمتوں کے پھر بنے قاسم نبی اُمی |
| خزانے سارے قادر کے لٹاتا ہے نبی میرا |
| دیارِ رحمتِ عالم خزینہ ہے جو بخشش کا |
| یہ نوری شہرِ جاناں ہے جہاں ہے یہ سخی بستا |
| زبوں حالی ہے چہ معنیٰ تلاوت کر لے قرآں کی |
| یہ دولت جو ملی ہم کو خزانہ ہے کہاں ایسا |
| دعا محمود کر رب سے جو سنتا ہے سدا سب کی |
| تو امت میں ہے سرور کی جو ہادی ہے بڑا اعلیٰ |
معلومات