| *22 جمادی الثانی یومِ وصال خلیفۂ اول سیدنا صدیقِ اکبر رضی اللہ عنہ* |
| وہ آئے تھے جہاں میں محمد ﷺ کے واسطے |
| صدیقؓ پر ختم ہیں وفاؤں کے راستے |
| دکھلا دیا نبھا کے جو وعدہ وفاؤں کا |
| صدیقؓ کو سلام ہے چلتی ہواؤں کا |
| وہ آج کی طرح ہی ہمیشہ سے پاس تھے |
| وہ آئے تھے جہاں میں محمدﷺ کے واسطے |
| اول ستونِ دین بھی اکبرؓ کی ذات ہے |
| دنیا میں ساتھ تھاجو ابھی بھی وہ ساتھ ہے |
| دنیا کے تھے امیر نبیﷺ کے وہ داس تھے |
| وہ آئے تھے جہاں میں محمدﷺ کے واسطے |
| راضی خدا ہے ان سے یہ راضی خدا سے ہیں |
| یہ عشق میں رسولﷺ کے آگے ہوا سے ہیں |
| مر مٹتے تھے نبیﷺ کے لئے حق شناس تھے |
| وہ آئے تھے جہاں میں محمدﷺ کے واسطے |
| فاروقؓ بھی گواہ ہے اس وقت کا میاؔں |
| جب چھوڑ کر چلے مرے صدیقؓ یہ جہاں |
| ہر آنکھ اشکبار تھی جسکی وہ آس تھے |
| وہ آئے تھے جہاں میں محمدﷺ کے واسطے |
| *میاؔں حمزہ* |
معلومات