| یہ تری محبتیں |
| فرقتیں یہ قربتیں |
| وصل کی وہ راحتیں |
| وہ جنوں کی ساعتیں |
| وہ تری حرارتیں |
| تیری وہ حلاوتیں |
| جم کے بیٹھنا ترا |
| پہلو میں سکون سے |
| سوچ تھی نہ غم ہی تھا |
| تجھ میں مَیں وہ مجھ میں تُو |
| دیکھتے تھے شوق سے |
| آئینے کی ہی طرح |
| اپنا عکس دیکھتے |
| ایک دوسرے میں ہم |
| اک سکون تھا جبھی |
| بس قرار تھا جبھی |
| اک جہاں تھا میرے پاس |
| جس جہاں کی رونقیں |
| وجود تیرے سے ہی تھیں |
| وہ جہاں بھرا ہوا |
| تھا تیرے ہی وجود سے |
| تیری ہی مہک تھی جو |
| میرے ارد گرد تھی |
| وہ ترا گفتار جو |
| گنگناتا تھا کبھی |
| مست جھرنے کی طرح |
| میری ان سماعتوں |
| میں تھا رس سا گھولتا |
| تھا جہاں عجیب سا |
| میرے ارد گرد کہ |
| اس سخن کو دیکھتا |
| مسندِ عروج پر |
| بھول جاتا تھا سبھی |
| رتجگوں کی سوزشیں |
| صاف ہو جاتی تھی |
| ان غموں کی دھول بھی |
| جو کمائے تھے جبھی |
| تجھ سے پہلے دور میں |
| تم جو وعدہ کرتے تھے |
| ہم کو پکا لگتا تھا |
| ہم کو سچا لگتا تھا |
| اعتبار تم پہ تھا |
| خود پہ جو نہ تھا کبھی |
| سب مجھے لگے ہیں اب |
| اک سراب کی طرح |
| رات کے کسی پہر |
| الجھے خواب کی طرح |
| یاس کی ہے داستاں |
| آس کا نشاں نہیں |
| فکر بھی نہیں رہی |
| رنج بھی نہیں ہے اب |
| جھوٹ تھا فریب تھا |
| کچھ نہ تھا وہ کچھ نہ تھا |
| ہمایوں |
معلومات