| یہ جان و دل بھی تری چاہ میں ہیں ہار چلے |
| لو دیکھو خلد کی جانب یہ بے قرار چلے |
| خیال خوش گماں نکہت مشام جاں میں بھرے |
| مہک فضا میں رچے بوئے مشکبار چلے |
| بشوق زیست تو کی ہم نے کشمکش دن رات |
| مگر یہ آج ترے تیرہ بخت ہار چلے |
| دل و نگاہ ، سکوں دے چکے ہیں پہلے سے |
| ہم اپنی جان بھی اب تیرے در پہ وار چلے |
| ثبات غم بھی تو نعمت ہے ،جس پہ گزری ہے |
| اسی سہارے پہ ہم زندگی سہار چلے |
| کہ دکھ کا سودا ملتا ہے نقد جب چاہو |
| خوشی کی بات ہو پھر زندگی ادھار چلے |
| نہ کرنا بھول کے بھی اعتبار دنیا کا |
| لو ہر گلی میں کو چے میں ہم پکار چلے |
| طاہرہ مسعود |
معلومات