| درد میں دیکھ کر مسکراتے ہو تم |
| درد لازم ہے کیوں بھول جاتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| غیب سے آ کے کرتا ہے کوئی مدد |
| جب بھی مشکل میں یوں لڑکھڑاتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دھوپ چھاؤں کا ہے کھیل یہ زندگی |
| اپنی آنکھوں میں آنسو کیوں لاتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ایک وعدے کا ہے پاس اب تک تمہیں |
| ایک وعدے کو اب تک نبھاتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| یاد آتی ہیں ماضی کی سب تلخیاں |
| خالی ہاتھوں کو جب بھی دکھاتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جاتے لمحوں کو پکڑا نہیں تم نے یار |
| بیٹھ کر اشک اب کیوں بہاتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| خوف کھاتی ہیں تم سے یہ تاریکیاں |
| چاند تاروں کو جب چھو کے آتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| خواب میں صاف آتا ہے مجھ کو نظر |
| میری نظروں سے جو بھی چھپاتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| بھیگ جاتی ہیں آنکھیں یہ خود ہی مری |
| دکھ بھری جب کہانی سناتے ہو تم |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تم مسیحا ہو کرتے ہو میرا بھلا |
| خواب میں مانی رستہ دِکھاتے ہو تم |
معلومات