| سنو! بغداد والے کی ولایت ایسی ہوتی ہے |
| پڑھایا چور کو کلمہ کرامت ایسی ہوتی ہے |
| تسلی آپ دیتے ہیں مُرِیدِی لَا تخف کہکر |
| یقیناً غوث اعظم کی لطافت ایسی ہوتی ہے |
| سخی ابنِ سخی داتا محی الدین جیلانی |
| عطا کرتے ہیں بِن مانگے سخاوت ایسی ہوتی ہے |
| کہیں سے دے صدا کوئی مدد کرتے ہیں وہ فوراً |
| ہمارے غوثِ اعظم کی سماعت ایسی ہوتی ہے |
| عیاں ہرحال ان پرہے دلوں کے بھید سے واقف |
| بصیرت ایسی رکھتے ہیں بصارت ایسی ہوتی ہے |
| چلی کشتی سوئے ساحل براتی پا گئے منزل |
| جنابِ غوث کی واللہ عنایت ایسی ہوتی ہے |
| کوئی بھی بال بِیکا اے تصدق! کر نہیں سکتا |
| مدد یا غوث کہنے سے حفاظت ایسی ہوتی ہے |
معلومات