| زندگی پھول ہے اور پھول بکھر جانا ہے |
| خاک نے خاک میں اک روز اتر جانا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میں مسافر ہوں مرا کوئی ٹھکانہ ہی نہیں |
| تیری دنیا سے مجھے دیکھ گزر جانا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اک ذرا صبر کے آتا ہوں تری سمت ہوا |
| میں یہی سوچ رہا تھا کہ کدھر جانا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تجھ کو بھی خیر سے جانے کی بڑی جلدی تھی |
| تیری یادیں بھی تو جائیں گی جدھر جانا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کیوں بتاتے نہیں دشمن سے مراسم ہیں کوئی |
| کیوں بتاتے نہیں مجھ کو بھی اُدھر جانا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آج کی رات گزاروں گا تری محفل میں |
| ہے ابھی شام مجھے وقتِ سحر جانا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دوڑتے ہیں یہ سبھی سانپ بسیرا کرنے |
| اُڑ گئے ہیں یہ پرندے کہ شجر جانا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دل وہ معصوم سا بچہ ہے کہ جس نے مانی |
| اُس کے لہجے کی حلاوت سے نکھر جانا ہے |
معلومات