| دیکھ چہرہ جانے جو احوال دل کا |
| در حقیقت پائے وہ اکمال دل کا |
| دل بے چارہ سہ گیا ارذال دل کا |
| "درد دے کر پوچھتے ہیں حال دل کا" |
| ماضی ء مطلق سے گھبرائیں نہ ہرگز |
| بدلے گا میزانیہ امسال دل کا |
| گر مدلل پاسکے تصریح بر وقت |
| پھر تشفی بخش ہو اجمال دل کا |
| قلب شاداں، درد درماں، من میں ارماں |
| درجہ درجہ مٹ گیا بھونچال دل کا |
| صاف نیت، عزم راسخ جن کے رہتے |
| وہ مگر رکھتے نہیں اغلال دل کا |
| آسماں پر ان کی ناصؔر رہتی منزل |
| جب بلند و بانگ ہو اقبال دل کا |
معلومات