| زمانہ ہو گیا پُرنور آ گئے ہیں حضورؐ |
| ہوئی ہے تیرگی یوں دور آ گئے ہیں حضورؐ |
| خوشی سے چہکی وہ بلبل, پھر آئی فصلِ گُل |
| خزاں چمن سے ہوئی دور آ گئے ہیں حضورؐ |
| اُتاری ہم پہ خدا نے بہت بڑی نعمت |
| خدا کے اِس پہ ہیں مشکور آ گئے ہیں حضورؐ |
| حضورؐ آپ ہی کے آنے سے ہوا ہے شاد |
| دلِ شکستہ و رنجور آ گئے ہیں حضورؐ |
| یہ تو ہے سنتِ پروردگارِ دو عالم |
| مناؤ سب خوشی بھرپور آ گئے ہیں حضورؐ |
| یتیموں نے سر اُٹھایا گداؤں کی بڑھی شان |
| یوں بدلا دنیا کا دستور آ گئے ہیں حضورؐ |
| وہ دیکھو بیٹیوں کے پاسبان آ پہنچے |
| چَمک دَمک اُٹھا مقدور آ گئے ہیں حضورؐ |
| گُلِ چمن خوشی سے لہلہاتے ہیں شاہدؔ |
| فضائیں ہوتی ہیں مسرور آ گئے ہیں حضورؐ |
معلومات