ہر زمانے میں کوئی ہوتا ہے دانا ، اچھا |
یہ ضروری بھی نہیں ہو وہ زمانہ اچھا |
چونکہ گفتار سے بہتر ہے کہ دیدار بھی ہو |
تم بھی مل آنا کوئی کر کے بہانا اچھا |
دیکھ کر جن کو خدا سامنے آ جاتا ہے |
حسن کے جلووں کا نظروں میں سمانا اچھا |
جب بھی جانا ہو چلے جانا اجازت لے کر |
یونہی محفل سے نہیں ہوتا ہے اٹھ جانا اچھا |
اُس کو سُننے کے لئے لوگ چلے آتے ہیں |
اُس کو آتا ہے یہاں رنگ جمانا اچھا |
عقل آتی ہے بڑھاپے میں ، جوانی میں شعور |
لاڈ بچپن میں ، لڑکپن میں پڑھانا اچھا |
مال و دولت کی ضرورت سے تو انکار نہیں |
ہاں مگر علم کا ہوتا ہے خزانہ اچھا |
گرچہ بہتر ہے کہ نوبت نہ یہاں تک پہنچے |
رُوٹھنے والوں کو ہوتا ہے منانا اچھا |
تم ابھی آئے ہو ، کہتے ہو ابھی جانا ہے |
ایسے آنے سے تو ہوتا ہے نہ آنا اچھا |
ہم سمجھتے ہیں اُسے بندہ خدا کا طارق |
جس نے آنے کو ہمارے بھی ہے جانا اچھا |
معلومات