| یکسر مہک اُٹھا ہے چمن, عید مبارک |
| مسرور ہوے اہلِ وطن, عید مبارک |
| تم درد سمجھتے ہو ہر اِک خلقِ خدا کا |
| اہلِ اَدَب و اہلِ سُخن, عید مبارک |
| تم کرتی ہو ہر روز رخِ یار کا دیدار |
| اے بادِ صبا, صبحِ چمن, عید مبارک |
| ہائے, تُو نے مجھ سے سبھی کو چھین لیا ہے |
| کس کو کہوں اب, چرخِ کہن! عید مبارک |
| گو تم نے بہت ہم پہ کی دُشنام طَرازی |
| پھر بھی تجھے اے چاک دَہن, عید مبارک |
| ہر دور پہ ہر وقت پہ ہر لمحے پہ شاہدؔ |
| ہے اُن کا کرم سایہ فگن، عید مبارک |
معلومات