دل میں آہستگی سے گھر کرنا |
کام آساں نہیں مگر کرنا |
دل میں رکھنا کوئی غرض مندی |
سب دعاؤں کو بے اثر کرنا |
تم ارادہ اڑان بھرنے کا |
باندھ کر میرے بال و پر کرنا |
دل سے مجھ کو بھلا کے پوچھا ہے |
کس کو کہتے ہیں در بدر کرنا |
لطف جاتا رہے تڑپنے کا |
وار ایسا نہ کارگر کرنا |
ساری دنیا میں بات پھیلا دی |
کیا ضروری تھا نامہ بر کرنا |
دل سے جب دل کو راہ ہے دل کی |
دھڑکنوں کو پیامبر کرنا |
کیا مرے دل کا حال ہے، میرے |
بے خبر کو ذرا خبر کرنا |
لوگ تو سادہ لوح ہوتے ہیں |
خود کو اتنا نہ معتبر کرنا |
معلومات