| غزل |
| علاجِ دردِ دل کرنے کو آئے ہیں مسیحا تو |
| مریضِ عشق بھی تیّار تھے ہونے کو اچھا تو |
| عدو کو مات دے کر زندگی مُردوں کو بخشی ہے |
| مقابل پر کوئی آنے کو جو تیّار ہوتا تو |
| اسے اخلاق سے دل جیتنے تھے اور محبّت سے |
| تمہیں اچھا بہت لگتا تمہیں طعنے جو دیتا تو |
| ہیں اس کے چاہنے والے ، فدا جو مال و جاں کر دیں |
| بہت مہنگا تھا کرتے گر فقط دنیا کا سودا تو |
| دمِ آخر فرشتہ موت کا آکر پکارے گا |
| کہاں بھاگے گا تیری موت کا گر وقت آیا تو |
| یہ سچ ہے تم نے جوڑا سب تعلّق مال والوں سے |
| مگر ایسے نہیں ہوتا پرایا مال اپنا تو |
| عجب ہے دوش دیتے ہو ہمیں رستہ دکھانے کا |
| ہمارا شکریہ کرتے ، چلو تم نے بتایا تو |
| بری الزام سے کرتے ہیں طارق ہم تمہیں دل سے |
| کہا جو سچ کہا تم نے ، حقیقت ہی کو لکھا تو |
معلومات