| نبی کا جو دیوانہ ہو گیا ہے |
| وہ اچھوں سے بھی اچھا ہو گیا ہے |
| نبی کے ذکر سے دل میں ہمارے |
| اجالا ہی اجالا ہو گیا ہے |
| نبی کو نور کہتے ہیں وہی لوگ |
| عقیدہ جن کا مردہ ہو گیا ہے |
| مٹا دوں گا نبی کے دشمنوں کو |
| ارادہ میرا پختہ ہو گیا ہے |
| بسایا جس نے دل میں مصطفیٰ کو |
| مقدر اس کا اعلیٰ ہو گیا ہے |
| غلاموں کے لیے در مصطفیٰ کا |
| بہت عمدہ ٹھکانا ہو گیا ہے |
| جو ٹکڑایا تھا دینِ مصطفی سے |
| وہ دنیا بھر میں رسوا ہو گیا ہے |
| شفاعت کی نویدِ جانفزا سے |
| بہت خوش دل یہ میرا ہو گیا ہے |
| مجھے کیونکر جلائے نارِ دوزخ |
| مرا دل ان کا شیدا ہو گیا ہے |
| نبی کی نعت پڑھتے پڑھتے یونسؔ |
| تِرا ہر سمت چرچا ہو گیا ہے |
معلومات