| نہیں یہ شکوہ کہ پوچھا ہمارا حال نہیں |
| عجیب ہے تمہیں اپنوں کا بھی خیال نہیں |
| مزا وصال کا ہوتا ہے اور ہجر کے بعد |
| بِنا فراق تو لطفِ شبِ وصال نہیں |
| غرور کیسا نصیبوں پہ گر ہوئے اچھے |
| تمہاری ذات کا اس میں کوئی کمال نہیں |
| عروج ہم نے بھی دیکھا بہت بلندی سے |
| گماں ہوا تھا ہمیں بھی کہ اب زوال نہیں |
| کیا تھا میں نے دلیلوں سے اس کو یوں قائل |
| سمجھ گیا وہ بچا اب کوئی سوال نہیں |
| چھپا کے رنجشیں اس نے رکھیں، پتا نہ چلے |
| عیاں ہوئی ہیں جو مجھ پر اسے ملال نہیں |
| سخن وری کے سُروں میں ہے جھومتا ثاقبؔ |
| یہ سب اسی کی عطا ہے، مِرا کمال نہیں |
معلومات