| غزل |
| کب خرد پاسبان ہوتی ہے |
| عاشقی امتحان ہوتی ہے |
| جس پہ سجدہ کیا ہو عاشق نے |
| وہ زمیں آسمان ہوتی ہے |
| ہم تو گزریں گے بے خطر ہو کر |
| زندگی مہربان ہوتی ہے |
| کوئی بڑھ کر ہوا کا ساتھ تو دے |
| دوستی بادبان ہوتی ہے |
| اس سے جب بھی ملے ہیں ہم یارو |
| پاس اک داستان ہوتی ہے |
| اس کے لب پر کسی کا نام آۓ |
| پھر تو کچھ اور شان ہوتی ہے |
| ایسے لگتا ہے جب نماز پڑھیں |
| کتنی جلدی اذان ہوتی ہے |
| وہ جو دل کھول کر سناتا ہے |
| شاعری کی زبان ہوتی ہے |
| وہ جو چاہے یہاں تبھی طارقؔ |
| اس طرح آن بان ہوتی ہے |
| ڈاکٹر طارق انور باجوہ۔لندن |
معلومات