ہونٹوں سے وہ گلابی گئی |
آنکھوں کی بھی سیاہی گئی |
کیا گئی زندگی سے تو یار |
اپنی تو زندگی ہی گئی |
کھا لیا سارا دیمک نے گھر |
ہجر تو ذات کھاتی گئی |
ایک میرے چلے جانے سے |
دیکھو کتنی اداسی گئی |
ایک لمحے کی نسبت ملی |
اپنی تو رائیگانی گئی |
بیٹھ کے پی لی اک دن شراب |
ایک صف خاندانی گئی |
تیرے آنے سے ایماں بڑھا |
پھر ترے بعد وہ... پی گئ |
بے مروت ہی تھی زندگی |
بے مروت ہی سالی گئی |
جانے والے نہیں آتے پھر |
یہ بھی گالی مجھے دی گئی |
وصل کو بیچ کر ساری عمر |
بس جدائی کمائی گئی |
وہ کتاب اپنی تھی ہی نہیں |
زیست میں جو پڑھائی گئی |
نور شیر |
معلومات