| جو حُسن ہے ہستی میں کس نور کے جلوے ہیں |
| یہ دھر میں بکھرے ہیں کچھ امبر چمکے ہیں |
| ان سب نظاروں کی کیا بات کوئی پوچھے |
| انوار کے پرتو ہیں جب آنکھ نے دیکھے ہیں |
| اک محفل یادوں کی جب پیار سے لگتی ہے |
| لگیں چاند ہیں نورانی اس دل میں جو دمکے ہیں |
| گر فضل و کرم آقا نادار پہ ہو جائے |
| کروں عرض میں آ کر جاں ارمان جو دل کے ہیں |
| اس گُلشنِ طیبہ کا ہر پھول ہے نورانی |
| جہاں بادل رحمت کے ہر آن میں برسے ہیں |
| اس در سے مِلیں راہیں فِردوس جو جاتی ہیں |
| مقصودِ جِناں ہیں وہ اس در کے جو بَردے ہیں |
| حق راہ دکھاتے ہیں محمود نبی میرے |
| وہ ارم میں پہنچے ہیں اس راہ جو نکلے ہیں |
معلومات