برگ و گُل ہے چاند ہے تارا مرا شایان ہے |
ہرکسی کو ہر جگہ پیارا مرا شایان ہے |
خوب صورت پھول ہیں مہکار سے مہکے ہوئے |
کوئی اس جیسا کہاں نیارا مرا شایان ہے |
سارے بچّوں میں اُسے پہچاننا مشکل نہیں |
تھُوک میں لِتھڑا ہؤا سارا مرا شایان ہے |
کوئی افسر ہے کوئی کرنل تو کوئی بادشاہ |
مہر و ماہ اسکندر و دارا مرا شایان ہے |
خوشنما چہرہ تبسّم ریز پیشانی کے ساتھ |
تحفئہ قدرت ہے ماہ پارہ مرا شایان ہے |
جو بھی مِل جائے وہ سیدھا معدے کی زینت ہؤا |
اچھّا بھُوکا ہی سہی پیارا مرا شایان ہے |
آسماں کی وسعتوں میں چاند ہے تو کیا ہؤا |
اس زمیں پر چاند ہے تارا مرا شایان ہے |
کوئی بچّی ہے کسی گھر میں یقیناً بالیقیں |
سُن لو بیٹا دیکھ لو کنوارا مرا شایان ہے |
ہر چمن ہر پھول کا کلیوں کا اپنا روپ ہے |
ہر کلی ہر پھول سے نیارا مرا شایان ہے |
ابّوُ جی کا چاند ہے اور رُوس کا بھالُو ہے تُو |
چِٹّا دُدھ ہے پیارا پیارا گول سا آلُو ہے تُو |
معلومات